Motorsiklo kag Nissan Navarra, nagbunggu-anay sa banwa sang Pototan, driver sang Motor, patay.

1819

Patay ang driver sang motorsiklo matapos makabunggo sa Nissan Navarra sa Barangay Pulot-an, Pototan, Iloilo pasado alas 9 kagab-i (Pebrero 11)


Dead on arrival sa ospital ang biktima nga ginkilala kay Lifedin Parian Colomer, 25 anyos sang Barangay Tumay, Mina, Iloilo samtang pilason ang duha sini ka angkas nga sanday Reniel Rizano Desierto, 18 anyos sang Barangay Lumbo, Pototan kag Jenuel Camiros Galvez, 30 anyo sang Barangay Catoogan, Pototan.

Ginpahayag ni Police Staff Sgt. Raffy Gonzales sang Pototan PNP nga halin sa Piyesta sa Barangay Bungco ang motorsiklo samtang ang Nissan Navarra nga ginamaneho ni Richard Causing Villanueva ang nagapadulong sa Barotac Nuevo apang pag-abot sa crossing sa Barangay Pulot-an, nagbunggu-anay ang mga ini.

Yara na karon sa custody sang Pototan PNP ang driver sang Navarra nga siu Villanueva.

Facebook Comments