Pilar, Capiz- Isa ang patay samtang duha ang kritikal matapos nga nabunggo ang ginasakyan sang mga ini nga motorsiklo sa railings sa Brgy. San Esteban, Pilar alas 11:30 sang gab-i.
Dead on arrival sang gindangat sa ospital ang biktima nga si Rusell Moreno y Hervacio, 29-anyos sang Brgy. Libas syudad sang Roxas samtang pilason man ang backrider sini nga sanday John Bernard dela Cruz sang Arcabalo, Bolo kag Felimon Fontanilla sang Brgy. Libas.
Nahibaluan nga nagikan magkaupod nga nag-inum ang mga biktita nga lunsay mga construction workers sa Balasan, Iloilo sang natapos na ang ila trabaho. Samtang ginasubay ang karsadahon sang Brgy. San Esteban, Pilar, wala makontrol sang driver ang manibela sang ginasakyan nga motorsiklo, rasun nga naaksidente ang mga ini.
Bangud sa mabaskog nga impact nagtabog ang tatlo apang nag-igo ang ulo ni Moreno sa semento nga gintunaan sang iya nga kamatayon.
*(photo from web)*
