Bangkay sang 58-anyos nga lalaki, nasapwan nga nagalutaw sa Cabadbaran River sa banwa sang Dumarao

Dumarao, Capiz – Patay na sang masapwan ang 58-anyos nga lalaki sa Cabadbaran River sa banwa sang Dumarao. Ginkilala ang biktima kay Ariel Heyres, residente sang Barangay Guinotos, Dumarao, Capiz.
Suno sa imbestigasyon nga nag-inom pa sang nagligad nga gab-i ang biktima sa balay sang iya utod kag ini ang ginpunggan sa paglakat apang wala gid nagpati kag nagpilit sa pagtabok sa suba. Nahibaluan nga 5:30 kahapon sang aga, nasapwan nanday Enrico Mendoza Ian Gauce ang lawas sang biktima.
Nagapadayon naman ang imbestigasyon sang Dumarao PNP, samtang igapaidalom sa autopsy ang bangakay sang biktima agud matumod ang gintunaan sang iya kamatayon.

Facebook Comments