Midsalip, Zamboanga del Sur – Patay ang wala pa ma-ilang driver sa motorsiklo nga honda TMX-125 color pula nga walay plaka numero human nabangga sa nagbaktas nga kabaw sa Brgy. Timbaboy sakop sa lungsod sa Midsalip niining probinsya alas 11:00 kagabii.
Sa inisyal nga impormasyon nga nahipos sa DXPR News Team samtang galakaw sa kalsada ang kabaw nga gisakyan ni Jonard Pangpang, 27 anyos, taga Pili, Midsalip, Zamboanga del sur kalit matud pa nga dunay nilagubo sa sampot nga bahin sa kabaw ug didto nakita nga motor diay nga nabangga.
Hagbong sa kabaw nga iyang gisakyan si Pangpang ug lakip nga natumba ang motor nga gimaniho sa wala maila nga driver.
Dali nga naka-responde ang taga- disaster sa Midsalip ug gidala sa balay tambalanan ang driver sa motor apan gi-deklara kining dead on arrival.
Sa pagka-karon anaa na sa luwas nga kahimtang ang sakay sa kabaw samtang padayun pa sa imbestigasyon ang kapulisan ug pag-ila sa driver nga namatay.
