Pagadian City – Patay ang driver sa motorsiklo samtang samaran ang duha ka mga angkas niini human naaksidente sa construction site sa Purok 2, Brgy Calolot, Tambulig, Zamboanga del Sur alas 3:10 kagahapon sa hapon.
Sa inisyal nga imbestigasyon nasayran nga samtang nagdagan ang motorsiklo nga Honda XRM 125 nga gimaneho ni Roden Solatorio Suico, 32 anyos minyo, lumulupyo sa P2, Calolot, Tambulig sakay ang sila si Ramil Suico Canlaon, 31 anyos minyo, lumulupyo sa P3, Kapalaran Tambulig ug Raul Suico Canlaon, 19 anyos, taga Brgy Bagumbang, Bonifacio, Missamis Occidental gumikan sa kakusog sa dagan sa nahiasoy nga motorsiklo pagawas gikan sa Tambulig Mountain Spring Resort padulong sa Brgy Kapalaran kalit nga nawad-an sa control sa manubela ang driver niini nga miresulta sa pagkabanga sa steel container van nga gibutang kilid sa construction site.
Human sa hitabo ang mga biktima nakaangkon og grabing samad sa nagkadaiyang parte sa lawas rason nga dali kining gidala sa Happy Valley Community hospital pinaagi sa miresponde nga kapulisan alang sa hinanali nga medikasyon.
Apan gideklarar nga Dead On Arrival ang driver nga si Roden Solatorio Suico ug ng usa ka back rider nga si Ramil Canlaon ang gibalhin sa provincial hospital ug ang laing angkas nga si Raul Canlaon gi-atiman gihapon sa maong ospital.
Base sa dugang pa nga imbestigasyon sa otoridad nasayran nga ang nahiasoy nga mga personalidad gituhuan ngaimpluwensyado sa ilimnon nga makahubog. Ang motorsiklo ang gidala ngadto sa Tambulig Municipal Police Station.
