Apat ka tawo ang pilason matapos nabungguan sang Ford Ranger ang ila ginasakyan nga motorsiklo alas 5 kaina sang hapon (Agosto11) sa Barangay Cabanbanan, Oton, Iloilo.
Gindala sa ospital ang mga biktima nga ginkilala kanday Rian Salinas, 34, iya asawa nga si Dizzy, 39 kag duha ka bata nila nga sanday alyas Zian, 13 kag alyas One Gregor, tatlo ka tuig.
Ginpahayag ni Police Senior Master Sergeant John Batadlan, imbestigador sang Oton PNP, nag-ovetake sa multicab ang pick-up nga ginamaneho ni Reynaldo Gelera, 58 anyos sang Barangay Cataan, San Joaquin, Iloilo kag wala sini gilayon makita ang motorsiklo kabangdanan nga iya ini ang nabungguan.
Kritikal ang kondisyo ni One Gregor sa The Medical City bangud sa pilas sa ulo samtang gindala naman sa Western Visayas Medical Center sanday Rian nga may pilas sa tuo nga tiil, wala nga kamot, guya kag bibig, Dizzy kag Zian nga lunsay may pilas sa tuo nga tiil.
Yara naman sa custody ang Oton PNP ang driver sang pick-up nga si Gelera.
