Dipolog City – Wa na kauli nga buhi ang usa ka motorista human nadasmag sa gisundan forward truck, kagahapon adlawa bandang alas 4:10 sa hapon sa may national highway Brgy. Galas, dakbayan sa Dipolog.
Ang biktima dead on arrival sa tambalanan naila usa ka Al Torot Banlaygas, 23 anyos, ulitawo, lumulupyo sa Brgy. Dos, lungsod sa Katipunan kinsa nagtrabaho sa kompanya sa motorsiklo.
Sa inisyal nga imbistigasyon ni PO1 Enon sa Traffic Division sa Dipolog PNP, nasayran ang biktima nagmaneho sa iyang motorsiklo sym paigon na unta pauli sa katipunan kon diin nagsunod sumala pa kini sa Isuzu forward truck kolor pula og puti combination nga kargado sa construction materials nga gimanehoan ni Antonio Bilones Macasling, 29 anyos, ulitawo nga taga lungsod sa Labason, Zambo. Norte.
Gikaigong pa niminor sa dapit ang gisundan truck og gumikan kusog ang pagpadagan sa biktima nadasmag kini sa luyong bahin nga maayong pagkaparok sa ulo og nalamba sa karsada.
Wa makatabang ang gisuot nga half face helmet sa biktima dihang ang dagway maoy naunag kaparok.
Ang paramedic sa rescue 117 maoy nidala sa biktima ngadto sa Corazon C. Aquino Hospital aron unta katambalan, apan gideklarang dead on arrival sa niatiman doctor gumikan sa dakong samad sa tuong agtang.
Sa interview sa rmn dxdr sa driver sa truck, gisulti niini nga wa siya magdahom sa gidangatan sa biktima diin four lanes ang dalan og nagpadaplin na matud pa siya aron moliko na sa balay sa iyang amo, apan kalit nga nipaka ang luyo bahin og iyang nakita ang biktima nag-ubo sa karsada.
