MOTORSIKLO, NAGSUHOT SA 6-WHEELER TRUCK SA BANWA SANG SAN ENRIQUE, DRIVER SANG MOTOR, PATAY.

Patay ang driver sang motorsiklo matapos magsuhot sa naga-pundo nga 6 wheeler truck sa higad sang dalan sa barangay Asisig, San Enrique, Iloilo.

Ginkilala ang biktima nga si Vicente Dureza, legal ang pang-edaron kag pumuluyo sang barangay Bitaogan, Passi City.

Base sa imbestigasyon sang San Enrique PNP, natabu ang aksidente alas 7:45 kagab-i (Marso 19) samtang nagamaneho sang motorsiklo ang biktima upod ang iya siyam ka tuig nga bata gikan sa barangay Abaca, san Enrique, Iloilo papuli sa ila lugar sa Bitaogan, passi City.


Subong man, pag-abot sa barangay Asisig, San Enrique, nagbunggo sa six-wheeler truck nga naga-pondo sa higad sang dalan ang motorsiklo kag sumuhot sa idalum kon sa diin nag-igo ang ulo sang biktima sa likod sang truck kabangdanan sang iya kamatayon.

Samtang ang bata sini nga nagaangkas sa likod ang napilasan man kag gindala sa Passi City District Hospital.

Facebook Comments