Aurora, zamboanga del Sur – Kasamatangan ng gi-imbestigahan sa kapulisan sa lungsod sa Aurora, Zamboanga del Sur ang backhoe operator nga nitahan sa buhatan sa kapulisan human malambigit sa aksidente sa kalsada.
Mahinumduman nga tulo katawo, lakip na ang batang babaye ang namatay dihang mibanga ang gisakyan nilang motorsiklo sa backhoe na nakaparada sa kalsada didto sa lungsod sa Aurora, partikyular sa Brgy. Insagan.
Giila ang namatay nga habal-habal driver nga si Elizer Englisa, 45-anyos ug nakalas usab ang mga sakay nga sila si Ciela Tariman, 41-anyos ug Myriel Quiño, 1 usa ka tuig ug 7 ka bulan nga batang babaye.
Sa report sa PNP Aurora, gibutyag sa driver nga si Cresencio Tanghal Jr., backhoe operator sa Rudhil Construction & Enterprises Inc., nga gi-operate niya ang equipment apan temporary nga ni-undang gumikan sa kusog nga ulan, hangtud nga nibanga ang motor sa bakal nga bucket.
Nakabaton sa grabeng samad sa lawas si Englisa ug ang iyang mga pasahero rason nga gidala pagdali sa Aurora Community Emergency hospital sa Brgy. Cabilinan, apan wala kini maka-abot nga buhi.
