General Santos City—Patay ang usa ka Jeffrey Gecale, 28 anyos, lumad nga taga Maasim, Sarangani Province ug kasamtangang nanimuyo sa Barangay Fatima, Gensan human nabanggaan ug tricycle ang motorsiklong gimanihuan niini ala 1:00 ang takna sa kaadlawon sa may Conel Road, Gensan.
Subay sa inisyal nga report nga nahagpat sa DXMD RMN News Team gikan sa Dr. Jorge Royeca Hospital nasuta nga gikan sa Liandra Homes ang biktima nag lingaw lingaw uban sa iyang mga amigo.
Sakay ang biktima sa iyang motorsiklo pauli na unta sa Barangay Fatima apan samtang nagdagan ang motorsiklo niini kalit nga gibanggaan sa usa ka tricycle ang likod nga bahin sa iyang motorsiklo mao nga kini nabalintong.
Paspas nga misibat ang tricycle nga mibangga sa biktima samtang ang nasampit nag gidala sa Dr. Jorge Royeca Hospital apan nakabsan ug kinabuhi samtang gitambalan sa maong balay tambalanan.
sa kasamtangan nagpadayon pa ang gihimong imbistigasyon sa kapulisan bahin as insidenti samtang ginasuta pa kung si kinsa nag driver sa tricycle kansa misibat human niining nabanggaan ang biktima.
