Sara, Iloilo – Nagbungguanay ang motorsiklo nga ginsakyan sang 2 ka police officers nga naga-augment sa Barangay kag SK elections sa banwa sang Sara, Iloilo kag ang Nissan Patrol nga ginapanag-iyahan ni former Sara Mayor Neptali Salcedo .
Natabo ang insidente alas 6:00 kaina sang aga, Mayo 14 sa Poblacion Ilaya, Sara, Iloilo.
Suno kay Police Sr. Inspector Gilbert Baldevarona sang Sara PNP , gin-updan sang mga pulis ang Board of Elections team padulong sa ila polling centers apang aksidente nga nagbunggu-anay ang motorsiklo nga ginsakyan nanday PO1 John Lee Alad kag PO1 Rolly Francisco Avila kag ang Nissan Patrol nga ginamanehar ni Joy Demo sa intersection nga bahin sang dalan.
Padayon nga ginabulong sa Western Visayas Medical Center si PO1 Avila nga nabali ang wala nga tiil kag nakaangkon sang kapilasan sa lawas.
Samtang yara na sa maayo nga kahimtanangn si PO1 Alad.
