Davao City – Patay ang biktima sa bangga nga mao si Armand Didomo Mando 49 anyos, minyo nagpuyo sa Barangay Binugao, Toril human mabanggai sa Toyota Fortuner nga gimaneho ni Mark Jade Anting, 24 anyos ulitawo nagpuyo sa Hill Side, Bajada Davao City.
Sa blotter sa Toril Pnp, mitabok sa Mc Arthur Highway sa Barangay Binugao si Mando sakay sa iyang motorsiklo ug kalit nga nadasmagan sa gimaneho nga Toyota Furtuner ni Anting ala 1:40 sa hapon.
Padulong ang Toyota Fortuner sa General Santos gikan sa Davao City ug pag abot sa maong dapit nabangga sa motorsiklo.
Nalagpot mga 15 metros tungod sa impact ang motor ug biktima nga miresulta sa iyang hinanaling kamatayon.
Gidala ang patay nga lawas sa biktima sa Toril Community Cooperative Funeral.
RadyoMaN Erin Lumosbog
