Dinas, Zamboaga del Sur – Upat ang nakabsan sa kinabuhi dihang nagbangga ang motorsiklo ug Fuso truck dihang dapita sa Provincial Road sa Brgy Proper Dimaya, Dinas, Zamboanga del Sur alas 3:15 kagahapon sa hapon.
Naila ang namatay nga mga biktima nga sila si Manny Cais ang driver sa motorsiklo, 33-anyos; Helen Tingoha 44-anyos; Princess Aiko Cais, 11-anyos; ug Eugene Tingoha , 14-anyos pulos mga residente sa Purok 12, Brgy. Poblacion, Dimataling niining probinsya.
Base sa inisyal nga imbestigasyon sa Dinas Municipal Police Station samtang nagdagan sa Provincial Highway, Brgy Proper Dimaya, Dinas ang Mitsubishi Fuso truck nga nga gimaneho ni Jamalius Fernandez nga gikan sa lungsod sa Tabina ug paingon unta sa Aurora apan aksidente nga nabanggan ang kasugat nga XRM-Honda-125 nga gimaneho ug gisakyan sa mga namatay nga biktima.
Dead on the spot ang driver sa motor nga si Dinopol, ug ang duha ka karga niini apan ang usa sa backrider nga si Eugene Tingoha nadala pa unta sa Chavez Medical Clinic apan namatay og wala maka-antos sa samad ug bun-og nga nahiaguman.
Ang driver sa truck nga si Jamalius Fernandez gipaslak na karon sa Dinas Municipal Police Station Detention facility ug gikatakdang pasakaan og reklamo karong adlawa.
