General Santos City—Patay ang usa ka motorista human nga nagsungag ang gimanihuang motorsiklo niini u gang nakasugatnga van sa may National Highway, Barangay Tambler, Gensan alas 7:00 ang takna sa gabie. Biktimang namatay nailang si Ryan Braquil, legal age, residenti sa Barangay Tambler, Gensan.
Sa inisyal nga report sa Traffic management Unit, Gensan nasuta nga naglawig ang biktima padulong sa city proper samtang padulong usab sa direction sa baranagy Bawing ang usa ka Hi-ace van nga gimanihuan sa usa ka Jorge Aguilar, 33 anyos, residenti ning syudad dihang kalit lang matud pa nga nagbangga ang duha ka sakyanan nga gimanihuan sa mga nahisgutan.
Nakaangkon ug grabeng samad si Braquil human nga nalagpot ug nabunal sa gahing butang dihang nahitabo ang disgrasya. Gidala pa kini sa ospital apan gideklara kining dead on arrival.
Gikustudiya usab gilayon sa TMU ang van driver nga si Aguilar human sa insidenti samtang ang duha ka sakyanang nagbangga ang giimpound na usab sa TMU.
Sa karon nagpadayon ang gihimong imbistigasyon sa kapulisan kalabutan sa maong insidenti.
