Kalibo, Aklan – Sambilog rong patay ag daywa rong ninahan matapos nga sumunggab rong motorsiklo sa tricycle kabii sa national highway it Brgy. Caano, Kalibo, Aklan.
Ro namatay nakilaea kay Ranie Raz, 30-anyos ag residente it Mabilo, New Washington.
Sa imbestigasyon it Kalibo PNP nga natabo rong aksidente tag ro biktima naga maneho it anang motorsiklo halin New Washington paadto it Poblcion, Kalibo ag pag abot sa lugar hay sumungaab raya sa kasubeang nga tricycle nga ginamaneho ni Boynoel Malacas, 37-anyos it Poblacion New Washington nga may 6 ka mga pasahero nga sanday Glen Sajise, 34-anyos; Noli Trinidad, 53-anyos; Flora Mae Malacas, 44-anyos; certain Nestor Melgar, certain Henry ag certain Tano tanan residente it Brgy. Polo New Washington, Aklan.
Ro nasambit nga tricycle hay halin sa Poblacion, Kalibo ag naga pauli sa Brgy. Polo tag matabo rong aksidente.
Gintinguhaan pa it driver kung tricycle nga likawan rong motorsiklo pero sa gihapon hay sumunggab raya.
Insigida nga gin una it daea si Raz sa Hospital pero gindeklara raya nga dead on arrival bangud sa fatal nga lastro.
Samtang Si Flora Mae hay gindaea sa Panay Health Care ag si Noli Trinidad hay gindaea sa Provincial Hospital.
Padayon pa makaron rong imbestigasyon it Kalibo PNP angot sa nasambit nga insidente.
