MOUNTAINEER NGA GIN-ALEGAR MISSING SA KABUKIRAN SANG ALIMODIAN, KUMPIRMADO NGA NAG-UPOD SA MONGHE SA DAVAO SUNO SA ALIMODIAN MDRRMO.

Ginkumpirmar sang rescue staff sang Municipal Disaster Risk Reduction and Management Office nga na-locate na ang mountaineer nga si Romeo Ramon Macate, 25 anyos sang Savannah Subdivision nga una ginreprt nadula sa kabukiran sang Alimodian ilabi na sa Bato-Dungok.

Suno kay Rey Defensor Ancajas sang Alimodian MDRRMO nga gin-untatan nila ang pagpangita kay Macate sa nasambit nga bukid matapos makabaton sang impormasyon nga na-locate na ang nasambit nga mountaineer kag ginpahayag nga nag-upod ini sa monghe pakadto sa Davao.

Ginpahayag ni Ancajas nga positibo nga sa Davao si Macate matapos nakumpirmar nila sa airport nga nakasakay ini sa eroplano padulong sa Davao.


Una diri ginpahayag ni Ancajas nga ila ginlighot ang kabukiran agud pangitaon si Macate apang wala sila sang nakita nga patimaan nga may natabu nga aksidente sa lugar.

Facebook Comments