General Santos City–Giandam na karon sa Police Station 6 ang tukmang kaso batok sa usa ka Rasid Bunsalagan, 25 anyos, usa ka driver ug nanimuyo sa Prk. 7 Sto. Nino, Barangay Apopong ning syudad human nga masikop kini sa patrol team sa Police Station 6 gumikan sa paglambigit niini sa drug race.
Sumala pa nga alas 12:30 ang takna sa kaadlawon nagpatrol ang mga sakop sa Police Station 6 human nga nakadawat ug report nga dunay naglumbaanay ug sakyanan sa ilang area of responsibility.
Paspas nga nanibat ang mga lambigit niini human makit-an ang nagpatrolyang mga pulis. Si Bunsalagan maoy naabtan sa mga pulis kung asa ila kining ginapahunong apan wala mihunong mao nga ilang gigukod.
Tungod sa kapaspas sa padagan sa suspect wala niini nakontrola ang iyang tricycle hinungdan nga kini nabangga nga miresulta sa daghang samad nga naangkon sa suspek.
Sa karon balhog na sa silda sa Police Station 6 ang suspetsado. (Dave Silagan)
(Photo From Web)
