General Santos City— Hustisya gihapon ang singgit sa asawa ni Anhing Mayor Jorge Perret nga si Elsie Perret human makabalik sa isip mayor sa Maitum si Bryan Reganit pipila katuig human kining magtaguan human mahimong nag-unang suspek sa kamatayon sa iyahang bana.
Sumala niya nga hustisya lang gyud ang iyahang gilauman human ang kamatayon sa iyahang bana gumikan nasayran naman kung si kinsa ang nagpaluyo sa pagpatay kaniya.
Upat katuig na matud pa ang nakalabay apan hangtud karon, wala gihapon nasulbad ang maong krimen.
Dugang pamahayag ni Elsie Perret nga hilabihan gyud kasakit ang iyahang gibati human masayran nga gawasnon ug nakabalik na sa pwesto ang iyahang gituuhang nag-unang suspek sa papatay sa iyahang bana.
Gikwestyon man usab niya ang dagan sa hustisya sa nasud gumikan aktibo man ang warrant of arrest sa nasangpit nga mayor apan anaa na kini naglingkod isip mayor. Pag-angkon niya nga adunay mga dokumentong gi-presentar ang kampo ni Mayor Reganit apan wala nakalatid nga wala na ang warrant niini.
