Malaybalay Ctity, Bukidnon – Dungan sa pagpadayon sa paglukat sa business permit gipahayag sa Malaybalay City Licensing Office nga pinakadaghan sa naglukat ang gikan sa hanay sa Micro Small Medium Enterprises kon MSME’s.
Sa interview sa RMN ngadto kang Arturo Callao, ang city licensing officer gibutyag niini nga nag-una ang MSME’s sa mga naglukat ug permit ug gisundan sa agricultural livestock ug industrial business establishments.
Samtang gibutyag ni Callao nga human ang deadline sa Enero 22 sa pag-renew, ila nga ipadayon ang pagpangdawat sa mga mulukat ug business permit hangtod sa Enero 31 apan aduna nay penalty.
Tumong niini nga ilang pang ma-atiman ang dili maka-apas sa mao nga petsa.
Hinoon matud niini nga gamay lang penalty ug bayran nga interest kon dili maka-abot sa deadline nga gitakda.
