Davao City – Temporaryong sirado sa mga climber ang Mt. Loay sa Santa Cruz, Davao del Sur.
Kini subay sa gipagawas nga Indigenous Political Structure (IPs) Resolution No. 3 Series of 2021 ug Barangay Zone 2 Council Resolution No. 05 Series of 2021.
“Reason of the said closure is for the IPS and Barangay Council to finalize appropriate documents, address solid waste concerns and impose comprehensive COVID-19 measures. The barangay government, though, has assured that the closure is not for long.”
Sa interbyu sa DXDC RMN Davao kang Police Major Crisaldo Gaila, Chief of Police (COP) sa Sta. Cruz Municipal Police Station (MPS), gibutyag niini nga sa ilang meeting uban ang local Inter-Agency Task Force (IATF), gikanayon nga usa kini sa mga lakang aron malikayan ang COVID-19 transmission labi na nga sagad mga dayo ang naga-hike sa lugar.
“Kasagaran naga adto sa Mt. Loay dili mga local folks kundili gikan sa lain nga mga municipalities. So, nabalaka ‘ron ang atong lokal nga panggamhanan nga basin diri hinuon mutakod ang virus,” matud ni Gaila.
Gimandoan usab kadtong mga climber nga adunay prior schedules sa Mt. Loay nga makig-alayon sa Barangay Council of Zone 2 ug Indigenous Political Structure alang sa mga pagpaklaro ug mga pangutana.
RadyoMaN Kirby Manzon
