Mujer sin cabesa ya recobri na isla del Sta. Cruz

Un cadaver del un mujer sin cabesa ya encontra na cantoy agua na Little Sta. Cruz Island del Biernes por la tarde.
El report del pulis ta aparese si untal Mr. Cuevas el light house keeper amo el quien ya descobri con el ta desbruna ya cuerpo del victima y dayun este ya reporta con el maga miembro del Philippine Coast Guards ta encabesa si CN1 Ralph Cuevas quien ya anda na lugar para el proprio imbestigacion.
El victima ta bisti pa su bra y panty mientras nohay mas este cabesa y ta desbruna ya el entero cuerpo ta indica cuantos dia ya este muerto.
Despues el ocular investigation, con el cadaver ya leva na un foneraria para el propio disposicion.
El otoridad ta imbestiga ya para sabe quien el victima y cosa ya causa su muerte.

Facebook Comments