Report ni Jennifer Debaja
Pagakasuhan sang “breach of condition of stay ” ang sin o man nga Foreign Domestic Helpers sa HK nga maaktuhan nagapatigayun sa pagbaligya o naga transact online sang mga produkto sang Multi Level Marketing.
Ini nga warning ginpabutyag ni Labor Attache Jalilo Dela Torre sang Phil.Consulate sa HK. kg ginsuportaran sang HK Immigration.
Ginpahayag ni Labatt Dela Torre nga apisar legal sa Pilipinas ang MLM apang lapas naman ini sa visa condition sang mga OFWs sa HK nga dapat paga sundon gid lang kon ano ang naka saad sa ila nga employment contract .
Nahibaluan nga lantaran ang pag pang recruit sang mga Networking companies sa mga OFWs indi lang sa HK kg madamu naman nga reklamo sang pag panunto ang nabaton sang Konsulado. Apisar mahal ang mga produkto nga ginabaligya sini, apang sa bulig sang social media madamu sa gihapon ang naga katintar sang ginapangako nga benepisyo kon maka recruit sang madamu nga miembro.
Dugang nga gina pa alintun sang HK Immigration nga ILLEGAL kg guinadumilian sa mga Foreign Domestic helpers sa HK ang pag part time, online marketing, pag ubra sa shop sang amo kg sa mga establishments mag luwas sa address nga nakasaad sa ila kuntrata.
Ang sin o man nga maaktuhan maga pangatubang sang multa, pagka priso kg mangin pagka blacklist sa Hong Kong.
