Nalandig tambalanan ang tulo sa 13 ka mga sakay sa multicab nga nahaybol sa may Purok 2-A Barangay Maria Christina sakop ning dakbayan sa Iligan alas 10 kapin kun kulang ang takna kaganinang buntag.
Ang mga biktima nailang si Rosenaya Malna, Payango Malna, ug si Munaro Malna kinsa daling gidala sa balay tambalanan human kini maka angkon ug pangos sa ilang tiil human nga mahulog sa canal ang gisakyan niini nga multicab nga dunay plaka numero LEG 977 nga gimaneho ni Cairoden Malna.
Matud pa ni P02 Jemar Legaspi, investigator sa Traffic Division, nga gikan sa Balo-i Lanao del Norte ang maong multicab paingon unta dinhi sa dakbayan sa Iligan apan pag abot sa lugar nahitaboan, nawad-an ug kontrol ang driver ngadto sa maong sakyanan maong nahulog kini sa canal.
Daling miresponde ang ginsakpan sa rescue ning dakbayan sa Iligan ug gidala sa Mercy Community Hospital ang maong mga biktima aron gilayong matambalan.
