TACLOBAN CITY – Ginpamumusil patay han diri pa makilal-an nga suspek an Municipal Councilor han Mercedes, Eastern Samar, alas 12:40 han kaagahon kanina.
Basi han report tikang ha Police Regional Office 8, ginkilala an Municipal Councilor nga hi Antonio Abris, 45 anyos, may asawa ngan residente ha Brgy. Salug, Guiuan, Eastern Samar.
Basi han inisyal nga imbistigasyon han Mercedes PNP, umatinder an biktima han vesper night han nasabi nga barangay ngan tigda dumaop an suspek ha iya luyo ngan ginpusil an iya ulo.
Dali-dali nga kumalagiw an suspek dara an iya pusil samtang an biktima in nadara pa ha Polymedic Hospital han Guiuan pero dead on arrival na ini.
Nagdudumara na hin follow up investigation ngan hot pursuit operation an mga kapulisan para makilal-an ngan maaresto an suspek hini nga krimen.
