Ginsulod sang kawatan ang Municipal Treasurer’s Office sa Estancia Municpal hall.
Natukiban sang pila ka empleyado sang nasambit nga opisina ang pag-ransack mga alas 8 kaina sang aga (Disyembre 17) kon sa diin naga-inukay na ang sulod sang talatapan.
Sa pag-usisa sang kapulisan, naguwa nga nadula ang isa ka laptop sang opisina nga nagabalor sang masobra 31 mil pesos kag cash nga masobra 10 mil pesos.
Samtang isa ka testigo ang nagtuad nga nakita sini ang isa ka lalaki nga nakilala kay alyas Dan-dan sang Carles, Iloilo nga nagsaka sa puno sang lubi nga nagatupong sa Treasurer’s office kag ginbuksan ang sliding window kag nagsulod sa opisina.
Bangud sini, gilayon nga nag-coordinate ang Estancia PNP sa Carles Police station agud pangitaon ang suspek apang wala ini makita.
