Davao City – Wala na maka-ikyas pa gikan sa kamot sa mga otoridad ang tulo ka tawo nga pinangita sa balaod sa taud-taod na nga panahon atol sa Anti-Criminality and Terrorism Operation alas 6:30 kagabii.
Gipaslak sa selda sa Buhangin PNP ang mga akusado nga mao sila si Albert Magno, 21 anyos, welder, Dimsyl Selorio, 25 anyos, laborer, ug Miguel Selorio, 24 anyos, laborer, pulos nagpuyo sa Purok San Andres, Barangay Indangan, Buhangin District dakbayan sa Dabaw.
Ang tulo gidakop pinaagi sa warrant of arrest nga giisyu ni Honorable Judge Leo Tolentino Madrazo presiding judge sa Regional Trial Court branch 11 tungod sa kaso nga frustrated murder.
Human nakumpirma sa warrant section sa Buhangin PNP ang gitaguan sa tulo, gilayon gikasa ang operasyon sa pagpanguna ni Police Inspector Felix Auxtero ubos sa mando sa hepe nga si Police Chief Inspector Jack Tilcag.
Ang korte nagrekumendar og 200 mil ka pesos nga bailbond sa matag usa kanila alang sa temporaryo nilan kagawasan ug kung dili sila makabayad hayan dad-on sila sa Davao City Jail.
RadyoMaN Joel Viray
