Daghang mga orasyon , habak ug ubang gamit nga anting-anting nasakmit gikan sa dinakpan nga suspek sa kasong pagpatay, pila ka tuig na ang nakalabay .
Ang mga anting-anting wa makapanalipod sa suspek nga si Edgar Tumagara ,57 anyos tungod kay nadakpan gyud siya sa kapolisan sa kasong pagpatay sa barangay konsehal sa Maharuhay lungsod sa Medellin nga si Iluminado Ybañez.
Lakip sa nasakmit gikan ni Tumagara nga taga Masbate mao ang mga panapton nga puti nga adunay latin nga pulong ingon man notebook nga gisuwatan ug mga orasyon .
Naay orasyon aron di mobuto ang pusil kung dunay gustong mopatay niya , o kaha kung aduna siyay pusilon maigo gyud ug panglumay sa mga babaye.
Apan wa hinooy linatin nga orasyon aron makatago siya ug di makit-an sa mga pulis nga mag-serve ug warrant of arrest, kay nadakpan man gyud siya ug gani nabalhug na kini sa bilangguan.
