*El Curuan police ya planta ya el caso de murder contra con el persona quien ya mata brutalmente ya mata con un dalaguita na Mina, Curuan del Domingo denoche.*
*Despues completa el maga documento y evidencia contra con Bennet Garcia, 18, soltero, el maga pulis ya somete ya el caso de murder na fiscalia.*
*Pero si Garcia ya gosa conel 15-dia waver que estipulao na lei donde ay tene pa este que somete el que se llama “counter affidavit” na fiscalia.*
*Acordando pasada alas 6 del noche, el victima si Margie Dagalea Santiago, 18, Nuevo graduao grade 12, ya anda na tienda di Efren Molina para compra electronic load y cuando paboldida ya le ya sigui conele atras si Garcia y de llegar na lubrigo lugar ya empesa tahya-que-tahya conele.*
*Con Santiago ya lleva pa na hospital pero ya despidi este.*
*Con Garcia ya aresta ala maniana el grupo del maga pulis junto con Consejal Jerry Perez y maga official del Curuan.*
*Con Garcia ya tene pa que sopla de tiro na pies despues ya precura pa este escapa*
