NORTHERN SAMAR – Usa nga robbery-hold up incident han diri pa nakikilal-an nga suspek an natabo ha National Highway han Brgy. Alang-alang Lapinig, Northern Samar.
Ginkilala an mga biktima nga hira John Kevin Morallos, 23 anyos, usa nga truck driver han JB Mini Mart ngan residente han Brgy. Bato Gamay, Northen Samar.
Base ha initisyal nga imbistigasyon han mga otoridad nga an biktima in nagda-drive han 6 wheeler truck kaupod an iya duha nga sakay nga ginkilala nga hira Ana Norombaba ngan Jessebel Duac.
Pag-ulpot daw han truck ha nasabi nga lugar in tulo nga diri pa nakikilal-an nga mga lalake an tumapo ha ira nga may dara nga mga armas.
Ginpabuthan gamit hiton cal. 45 nga pistola han usa nga suspek an biktima an driver ha paa nga dapit hiton iya lawas ngan didto na nakuha an 1 nga sling bag nga may sulod nga P90,000.00, duha nga cellphone unit, ngan 3 nga susi han tindahan,
Matapos an insidente in kumalagiw an mga suspek tipakadto ha bukid nga dapit han lugar.
Dayon naman nga gindara an biktima ha Gamay District Hospital agud tagan hin medical nga atensyon.
Narekober ha crime scene an usa nga bala han Cal. 45.
Nagdudumara na yana an Lapinig PNP hin follow-up investigation agud maaresto na an mga suspek.
