Wala sang may na-monitor ang Muslim Community sa Siyudad sang Iloilo nga may nakasulod na diri nga mga Muslim terrorist agud magsabwag sang kalakasan.
Ginpahayag ni Sultan Sammy Hadjimanan, Spokesperson sang Iloilo City Muslim Community nga fake news ang nagalagaw nga impormasyon nga may terorista nga grupo nga yari sa siyudad sa paghsabwag sang terorismo.
Suno kay Hadjimanan nga gina-monitor nila ang mga nagasulod kag nagaguwa nga mga kauturan nila nga muslim ilabi na ang mga nagapangayaw agud magbaligya sa kapiyestahan sang Jaro.
Ginpasiguro man sini nga magabulig sila sa kapulisan sa pagtapna sa mga malain nga elemento nga makasulod sa iloilo bangud indi man prinsipyo sang Muslim religion ang pagtuga sang kagamo.
Facebook Comments
