Davao City – Wala pay opisyal nga announcement gikan sa Police Regional Office XI kung kinsa ang mupuli kang outgoing Davao del Sur Provincial Director PSSUPT. Samuel Gadingan human nga nag-optional retirement kini.
Sumala ni Gadingan atol sa interbyu sa DXDC RMN Davao nga adunay lima kabuok opisyales ang gisumite na ngadto kang Davao del Sur Governor Douglas Cagas aron maoy iyang pilian para sa maong mabakanteng posisyon.
Karong Biyernes Agosto 31, 2018 ipahigayon ang Retirement Honor Ceremony alang sa kaniya sa PRO XI Granstand.
Ug ipahigayon didto sa Davao del Sur Police Provincial Office ang Turn-Over ceremony para sa incoming Provincial Director.
Gipasigarbo niini ang 22% nga pagkunhod sa crime volume sa ilang probinsya gikan sa natalang 4,000 ka mga insidente.
Buot ni Gadingan nga ipadayon gihapon sa musunod nga Provincial Director ang mga programa batok droga, kriminalidad ug uban pa.
Gibutyag ni Gadingan nga buot niyang magpahulay inig-retire niya karong Setyembre 1 apan wala usab niya gisarado ang iyang kaugalingon diha sa politika.
RadyoMaN Aimee Guinita
