Sultan Kudarat—Duha ang patay samtang 11 ang angol sa nahitabong pagkahagbong sa usa ka multicab sa pangpang sa may Sitio Babancao, barangay Paril, Kalamansig, Sultan Kudarat niadtong nakalabayng adlaw.
Nasayran nga sakay ang mga biktima sa Kolor Green nga Multicab nga may plate number MAA 4365 gikan sa Cotabato City ug mopadulong unta sa Balut Island dihang nahitabo ang aksidenti alas 2:25 sa hapon.
Usa ka Sammy Sedik Alimao, 37 anyos, minyo ug residente sa Barangay Bulalo, Sultan Kudarat, Maguindanao maoy driver sa maong sakyanan kansa samdan usab sa maong aksidente.
Samtang giila usab ang mga nakabsan nga silang si Jamil Ampatuan Guiampaca , 20 single, estudyante, ug Naif Pagatan Etto 7 anyos.
Matud pa sa imbestigasyon sa kapulisan gibaybay sa mga nasampit ang highway dihang kalit nawad-an ug preno ang sakyanan nga hinungdan sa pagkahagbong niini sa Bangin.
Gilayon nga mitabang ang rescue volunteer sa Kalamansig MDRRMO ug gilayong gipangdala sa Sultan Kudarat District Hospital ang mga samdan ayha gibalhin ngadto sa Cotabato Regional and Medical Center CRMC sa Cotabato City. Sa karon ang mga samdan sa insidenti ang luwas sa makuyaw nga kahimtang.
