Davao City – Nakig-alayon ang COVID-19 Task Force sa nagkadaiyang mga sectors alang sa mulangkob sa vaccination team sa COVID-19 immunization sa dakbayan sa Davao.
Sa interbyu sa RMN Davao kang Dr. Ashley Lopez, Davao City Health COVID-19 focal person, limitado ngadto sa mga doctors ug nurses ang muturok sa COVID-19 vaccine.
Matud niini, nakigkoordinar sila sa mga uban pang mga sectors, Non-Government Organizations ug mga private hospitals nga adunay mga health workers kung kinsa pa ang mutabang.
“Mga health division sa DepEd, sa CHED ato ng utilized as much as possible. But we have to set-up everything, ang Local Government man gyod ang mu-set up sa tanan,” sumala niini.
Gibutyag ni Lopez pweding mubakuna ang mga midwives apan closely monitored kini sa mga doctors ug nurses.
Ang mga Barangay Health Workers igo lang nga muasister sa pagparehistro ug paghapsay sa linya sa mga bakunahan ug dili sila tugotang mu-inject og COVID-19 vaccine.
RadyoMaN Aimee Guinita
