Mutya ng Davao Talent Showcase, Gipahigayon

57

Nahimong malampuson ang Talent Showcase sa Mutya ng Davao 2018 pageant nga gipahigayon sa Gaisano Mall sa may Bajada ning siyudad Davao kagahapon sa hapon. Gikanta sa Best in Talent winner, candidate #8 Iris Jule Escalicas, ang Never Enough ni Loren Allred. Si Escalicas nga representative sa Sasa ning siyudad, midawat ug P10,000 nga cash prize. Kauban niyang mipasundayag sa mga nagkadaiyang talento ang 14 ka mga semi-finalists sa Mutya ng Davao 2018. Ilang gipakita ang ilang kahusay sa pagkanta, pagtugtug og mga instrument, pagsayaw ug daghan pang uban. Samtang 1st runner-up usab si Candidate #11 Daryl Borja nga midawat ug P6,000 nga cash prize ug 2nd Runner-up si Candidate #5 Claudine Alyssandra nga midawat ug P4,000 nga cash prize. Suportahi ang inyong paboritong kandidata sa ipahigayon nga Mutya ng Davao Coronation Night karong Marso 15 ang sa RMC FilOil Flying V Event Center alas 4:00 sa hapon. TAGS: iFM 939 Davao

Facebook Comments