General Santos City—- Nagpahigayon ug muzzle taping ang Gensan City Police Office sulod sa Camp Fermin Lira kung asa kini ang gipangunahan ni Police Senior Superintendent Romeo Ruel Berango, acting City Director.
Gitambungan sa ubay-ubay nga ahensya sama sa City Public Safety Company, Traffic Management Unit, Regional Public Safety Batallion ug uban pa.
Sumala kang Col. Berango, nga ang pagpahigayon ug muzzle taping sa karon nga tuig ang alayon sa mandato gikan sa national headquarters. kung kahinundman nga sa milabay’ng tuig walay muzzle taping ang kapulisan basi sa nahimong mandato ni Presidente Rodrigo Duterte.
Dugang pamahayag ni Col. Berango nga bisan ug adunay tabon ang boka sa mga armas sa kapulisan, mamahimo gihapon nila kining gamiton higayon nga mabutang sa alanganin ang ilahang kinabuhi o dili ba kaha magpahigayon ug mga sensitibong operasyon.
Kalabot niini, naghatag usab ug instruction si Col. Berango ngadto sa kapulisan alang sa paghatag ug siguridad sa umaabot nga selebrasyon sa adlaw’ng natawhan ni Senator manny Pacquiao.
Nagdumili man usab siya sa pagbutyag sa kinatibuk-ang ihap sa mga personahe nga ipakatag lakip na ang Joint Task Force Gensan sa pagpanguna ni Col. Adonis Bajao, kung asa tana matud pa nga lugar nga mamahimong parte sa selebrasyon ang adunay ipangbutang nga men in uniform.
