Human sa kapin 30 ka tuig nga nangandoy ug nag-ampo nga ang ilang barko sa Roble Shipping Inc. maoy masakyan sa imahen ni Senior Sto. Niño ug sa Birhen sa Guadalupe atol sa fluvial procession , nahatagan na gyud kini ug katumanan sa kapistahan karong tuiga .
Ang ilang fast craft nga MV Superjoy maoy himoong replica sa galyon nga luwanan sa duha ka imahen karong Enero 19 nga fluvial procession .
Matud sa presidente ug Chief Executive Officer sa RSI , Jose Emery “Joy” Roble dakung kalipay nila nga napili ang ilang barko nga maoy himoong galleon sa kalihukan .
Gibutyag ni Roble nga dugay na silang deboto ni Senior Sto Niño ug maoy kanunay nilang dangpanan sa nasugatan nga mga personal nga hagit sa mga sakop sa pamilya ug bisan sa ilang negosyo .
Ang mv Superjoy maoy labing unang barko nga de pasaheroan nga masakyan sa mga imahen atol sa fluvial procession .
