GENERAL SANTOS CITY- Patay ang sakop sa Akp-Nilong Group nga nalambigit sa managlahing krimen human nangilog og armas dihang kini gi-aresto sa mga pulis sa national Highway Purok Masagan, Barangay Magsaysay, Polomolok, South Cotabato tungang gabie.
Giila ang suspek sa pangalang Toto Alisin, hamtong ang edad nga adunay daghang gipangpuy-an nga lugar sa Polomolok ingon man dinhi sa Gensan.
Nasayran nga nagpahigayon og follow-up operation ang Polomolok Police Station batok ngadto sa suspek human kining nailhan nga maoy responsable sa pagpabuto og armas sa may prk. 5 brgy. Palkan nga gikasamad usab sa pulis nga unang nagresponde sa pagpabuto sa suspek og nailhan ang pulis nga si Pcpl. Albert Taculod.
Gipabuthan matod sa suspek ang patrol car hinungdan nagbinayluay sila og pabuto sa mga bala.
Nisibat ang suspek tungod wala na magukod sa kaubang patrol members ni Taculod human nabuslot ang ligid apan nabawi ang shotgun nga may duha ka bala kay gilabay kini sa suspek.
Gihimo ang pagsikop kang alisin didto sa ulahing lugar nga namonitor sa mg pulis sa may Purok Norcos, Brgy. Poblacion.
Hubog matod kaayo ang suspek kung sa nakuha pa ang daghang mga bala sa shotgun, .38 caliber revolver ug mga empty shells sa revolver og armalite.
Giposasan si Alisin aron dad-on sa presinto para sa pagpailawom sa booking procedure apan pag-abot matod pa sa highway sa brgy. Magsaysay nahimong nangilog og pistola si alisin ngadto sa pulis nga iyang tapad hinungdan gipusil sa mga pulis.
Igo kini sa iyang kalawasan dayong gidala sa Polomolok Municipal Hospital og deklaradong dead on arrival base sa attending physician nga si Dr. Mary Cris Vargas bandang ala-1 sayo sa buntag.
For more info’s and updates, like and share our official facebook account : www.facebook.com/ifm91.9Gensanofficial/
[image: AKP MEMBER.jpg]
