Sikop sa hini-usang operasyon sa Regional Intelligence Unit 9, ug Baliguian MPS ang usa ka membro sa Kidnap for ransom group. Didto sa Brgy. Nonoyan, sakop sa lungsod Baliguian ning probinsya sa Zamboanga Del Sur.
Naila ang dinakpan nga si Hambali Jamad alyas Jomar, nagpuyo sa nahisgutan nga barangay.
Nasikop kini pinaagi sa gahum sa warrant of arrest nga gipagula ni Presiding Judge Laarni N. Dajao sa RTC 9th Judicial region, branch 27, Siocon. Aduna kini kasong kidnapping ug serious illegal detention.
Si Hambali ang gitudlo usab nga responsable sa pagpang dagit sa mag-asawang Duterte didto sa Brgy. Sta. Maria lungsod sa Siocon niadtong nakalabayng tuig bulan sa Marso.
Kini nga KFRG member gituohan kini nag operate sa probinsya sa Zamboanga del sur ilawom sa grupo ni Roger Kalas alyas Tiguan/one eye/Abu Anhar.
Padayon usab ang pagbantay sa mga kapulisan sa Siocon ngadto sa mga sympathizer niini sa posibleng pagpanimalos sa maong grupo.
