Liloy- Patay na nga nahidangat sa balay tambalanan si CPL NiƱo Earl Gomez Dagohoy, 28 anyos, human kini maaksidente didto sa Brgy. Banigan, lungsod sa Liloy niadtong adlawng myerkules.
Ang maong biktima membro kini sa PA nga naka destino sa Ist. Division, Pulacan, Labangan Zamboanga del sur. Nagpuyo kini sa Brgy. Osukan, Lungsod sa labason.
Uban niini ang iyang angkas nga si Resty Fajardo Bernido, 24, ulitawo nagpuyo usab sa susamang dapit.
Sa pag imbistiga sa kapulisan nasayran nga naglawig kini sila sa dalang nasyunal gikan sa lungsod sa Liloy padulong sa lungsod sa Labason.
Pag abot nila sa lugar nahitaboan nawad-an ug control ang dryaber sa iyang gimaneho nga Honda Mio 125 kolor itom adunay kombinisyon nga yellow, walay plaka numero.
Maayong pagka balintong sa ilang gisakyan nga motor didto tunga sa dalan nga miresulta ug grabeng bun-og ug mga pangos ang drayber nga si NiƱo Dagohoy.
Swerte usab nga nakalabay sila si Kirk Michael Napigkit, Godofredo Carolasan ug Rey Nicanor nga empleyado sa DPWH nga maoy midala kanila sa balay tambalan.
Apan walay swerte si CPL Dagohoy tungod kay gibawian na kini sa hinulaman niyang kinabuhi niadtong higayona. Samtang ang angkas nga si Resty Bernido nakaangkon usab kini ug bun-og sa nagkadaiyang parte sa iyang lawas, sa pagkakaron padayon pa gihapon siyang nagpaalim sa iyang mga bun-og sa balay tambalanan.
