Roxas City, Capiz – Patay ang isa ka mister matapos nga naghikog sa tulay sa Roxas City (Capiz Bridge) bangud sang problema sa pamilya. Ginkilala ang biktima nga si John ” Buloy ” Albaladejo 46-anyos sang Barangay 9, Roxas City.
Suno sa report nagikan sa Roxas City PNP, ulihi nga nakit-an ang biktima nga nagalakat sa nasambit nga tulay alas 10:00 kagab-i. Ginkakibot naman sang pila ka mga residente kag pamilya sini nga nagakabit sa lubid si Albaladejo sang nasapwan ini 3:30 kaina sang kaagahon.
Nahibaluan nga ginhigot sang biktima sa iya liog ang sobra sang lubid nga ginagamit sang city government sa mga balsa nga ginpahamtangan sang mga Christmas Lights sa suba nga nakahigot naman sa tulay.
Sa bulig sang pila ka mga residente kag mga responders, ginpasaka sa tulay ang lawas ni Albaladejo kag gindala sa ospital apang gindeklarar nga dead on arrival.
Problema sa pamilya ang ginatudlo nga rasun sang paghikog sang biktima, matapos ginbayaan ini sang iya asawa masubra na sa isa ka tuig bangud sang masami sini nga pagpahubog. *(Bantayan ang dugang nga detalye sini sa DYVR RMN Roxas)*
