Report ni: Tita Jen Palomo Debaja
Isa ka pinay nurse sa Kuwait na comatose, hospital na mismo ang nag post sang Pebrero 12 sa paglaum nga makit an ini sang pamilya.
Ginkilala ang biktima kay Norisa Manambit, 36 anyos sang Kidapawan City.
Base sa panaysayon sang hinablos ni Manambit nga si Lady Mae Besa, naglakat sa Dammam Saudi Arabia ang iya tiya sang 2017 agud mag ubra bilang domestic helper kag nakibot na gid lang sila sang makita ang video nga ara ini sa Kuwait Hospital kag comatose.
Sa interview kay Besa sang Catholic-ran dxND radio , ginpahayag sini nga gin report na nila sa agency sang Enero nga missing ang iya tiya. Katapusan sini nga kuntak sa ila sang last quarter sang 2017.
Palaisipan pa tubtob subong sa pamilya kon ano gd ang natabu kay Manambit. Apang isa sang mga abyan sini ang nakasugid nga may natabu nga pagbaisay sa tunga ni Manambit kg sang amo sini matapos nadakpan nagagamit sang cellphone ang pinay.
Nangin mainit ang pagbaisay asta nagtawag sang police ang amo ni manambit kg gin priso ini.Apang sang bisitahan sang kaabyanan si Manambit sa prisuhan , wala na nila ini nakita.
Dugang pa sang hinablos ni Manambit, matapos makabaton sang impormasyon ang pamilya, gilayon nila gin pabalo ang agency sini sa manila kg gin silingan sila nga indi gd pag ipalab ut sa police , media o any government agencies samtang naga patigayon ang agency sang follow up sa kaso sini.
Nagpahayag man sang kahangawa ang pamilya ni Manambit tungod asta subong comatose pa gihapon ini.
