Na-isahan, 4k gindalagan

Duha ka mga construction worker ang nagdagun-dagun sa istasyon sang pulis agud magreklamo nga ini sila ang na-intuan sang duha ka mga babayi kag nagkuha sang ila kwarta sa Brgy. Mansilingan, Bacolod City.

Ginpahayag sang duha ka biktima nga pasado la una kahapon sang kaagahon, samtang nga ini sila ang nagalakat sa area sang Hermilinda sa Brgy. Mansilingan, may nagpalapit sa ila nga duha ka mga babayi kag nag-transaction.

Bangud hubog na ang duha ka mga construction worker kag nauyunan man sang mga ini ang ginatanyag nga serbisyo sang mga babayi, nagpasugot sila sa transaction. Suno sa mga biktima nga wala gid nila nabatyagan nga ginakuha na gali sang mga suspek ang ila wallet nga may unod kapin 4 ka libo ka pesos samtang nga ini sila ang gina-hurikap.


Matapos nakuha ang wallet, gilayon nga nagdalagan ang mga suspek, nagtabok sa dalan kag nagsakay sa motor nga nagahulat.

Ini nga bagay gindangop sang mga biktima sa Police Station 7.

[image: image.png]

Facebook Comments