Roxas City, Capiz – Narescue sang mga katapo sang Philippine Coast Guard ang tatlo ka mga fishing boats sa matapos maaberya sa lawod kahapon . Suno kay Lt. Commander Micheal Andag, station commander ng PCG-Roxas, madasig nga nagresponde ang mga katapo sang PCG agud masalbar ang tatlo ka mga mangingisda.
Liwat nga nagpanugyan si Andag sa mga mangingisda nga likawan anay ang pagpadulong sa kalalawran bangud tuman ka baskog sang balud kag hangin nga tuga sang Bagyong Urduja.
Una na nga ginkaselar sang PCG ang byahe sang tanan nga mga magagmay kag dalagku nga sakayang pangdagat sa syudad sang Roxas lakip na ang byahe sa Masbate kag Sibuyan bangud sa bagyo nga Urduja. Gindumilian man sang ahensiya ang pagpangisda bangud tuman ka delikado.
Suno sa PCG-Roxas nga awtomatiko nga kanselado ang biyahe sang mga sakayang pangdagat sa tion nga yara sa signal number one ang isa ka lugar kag ang sin-o man nga magalapas sa amo nga pagsulundan, magapanabat kag pagamultahan sang Philippine Coast Guard.
