Report ni: Jennifer Palomo Debaja
Patay ang 2 ka pinoy sa Jeddah Saudi Arabia matapos nasunog takna alas 6:30 kagab-i Saudi time ang accomodation sa construction site nga ila gina obrahan.
Ginkumpirmar ni Foreign Affair spokesman Elmer Cato nga ginkilala ang mga napatay kanday Jessie Paciete kag Reynaldo Castro, pareho nga heavy equipment drivers kag operators sang isa ka major construction company sa Saudi kag kabahin sa road project sa Najran, isa ka probinsya sa Western Region sang Saudi Arabia.
Naga pakig unong man ang DFA sa pamilya sang duwa ka OFWs nga napatay sa Saudi Arabia.
Pareho nga na trap ang mga biktima sa sleeping quarters sang Al Massar Accomodation sa job site sa Najran, rason nga nasunog gid ang mga ini.
Nagpadala naman sang team si Consul General Ed Badajos sa natabuan sang sunog agud makakuha pa gid sang dugang nga detalye angut sa natabo kag para maasikaso ang bangkay sang mga biktima.
Base sa inisyal nga impormasyon halin sa kumpanya sang duwa ka OFWs, posible nga faulty electrical connection ang gin kabangdanan sang sunog.
