Report ni: Tita Jen Palomo Debaja
Dakup ang 5 ka miembro sang pamilya sa Espanya matapos nangawat sang 4,000 kilos sang oranges kag gin karga sa 3 tanan ka salakyan.
Enero 26, 2018 samtang naga patigayon sang check point ang mga police sa Seville Spain , hinali nga may nag kalahulog nga oranges sa salakyan nga gin pa pundo agud inspeksyunon.
Natigayun nga narekuber sang kapulisan ang kinawat nga prutas sa isa ka puerto matapos nag report ang crew sang cargo ship nga nag diskarga sang nasambit nga prutas.
Gina patihan nagabalor sang €1,400 (S$2,277) ang mga prutas nga ega deliver kon tani sa isa ka processing plant sa Seville ,Spain.
Samtang naga padulong ang isa ka Suzuki sedan ,natalupangdan sang mga police nga naga convoy ang isa ka station wagon kg isa ka van kag gulpi lang nag liso sa lain nga direksyon .
Dali dali nga gin lagas sang naga routine patrol nga kapulisan ang Suzuki sedan kag sang na korner ang mga ini, nagkalahulog ang nasambit nga prutas.
Naga pangatubang sang kaso nga theft ang lima ka miembro sang pamilya nga nadakpan sa akto,nanay ,tatay kag ang ila 3 ka kabataan nga lalaki.
Base sa balita nga nabalhag sa Evening Standard,gin tinguhaan sang mga suspetsado nga papatihon ang kapulisan nga natabuan lang kg naagyan nila ang nasambit nga prutas nga naga lapta sa dalan gani ila nga gin tipon agud kunsumuhon.
