BACOLOD CITY – Gindakup sang mga katapo sang Police Station 8 ang isa ka persona sa akto na nagapataya sang illegal nga Jai Alai mga las 10:30 kagab-i sa Purok Mars, Brgy. Singcang-Airport, ciudad sang Bacolod.
Nakilala ang suspek nga si Rodel Mande, 31 anyos ang edad, kasado kag pumuluyo sang Purok BM, Brgy. Taculing, Bacolod City.
Nadakapn si Mande sa akto nga nagkolekta sang taya kag nakuha sa iya possession ang mga tipster nga may codename Victory, mga betting paraphernalia kag kapoin P279 pesos nga bet money.
Wala labot sa tipster, nakuha pa gid kay Mande ang isa ka Armscor .45 calibre nga pistol kag loaded sang bala.
Detained na karon sa custodial facility sang Police Station 8 ang nadakpan na si Rodel Mande kag ginahandas ang kaso nga violation sang Republic Act 10591 ukon illegal possession of firearms kag violation sang Republic Act 9287 ukon Jai Alai nga igapasaka batuk sa iya./dyHB BACOLOD
