Nabdus, inigo it kilat

Libacao, Aklan—Padayon nga gina obserbahan ag ginabueong sa Aklan Provincial Hospital ro sangka misis nga nabdus matapos maigo it kilat kahapon it hapon sa Sitio Agbalogo Ilaya, Brgy. Sibalew, Libacao, Aklan.
Nakilaea rong misis kay Wilma Salem, 50-anyos, pitong dag-ong nabdus it nasambit nga lugar.
Base sa panugiron it nasambit nga misis nga samtang una imaw sa sueod it kwarto nanda kahapon hay gulpi eang nga eomsot rong kilat pasueod sa andang baeay ag eompok kung sa siin nakaangkon it tama ag paso sa anang dughan.
Kamana man pati rong manghod it biktima hay nahapit man ag nakaangkon it sunog sa buhok.
Insigida man nga gindaea sa hospital rong biktima para mataw-an it nagakaigo nga pagbueong ag matan aw rong sitwasyon it baby sa anang tiyan ag basi man sa eksplenasyon kanda it doctor hay pareho eon nga eowas sandang mag-ina.

Facebook Comments