Unu del maga notoryoso wanted persona na Labangan, Zamboanga del Sur ya sale arestao durante el operacion ya conduci el pulis del Biernes tarde.
El portavoz del Pulisiya Regional si Chief Insp. Helen Galvez ya nombra con el arestao como si Otto Hassim Buisan, 48, casao un fescador de Purok Malipayon, barrio Combo, Labangan, Zamboanga del Sur.
Si Buisan tiene el pendiente warrant of arrest na caso de murder ya man issue el Huwest Felix Rodriguez del RTC branch 18, na Pagadian City.
Con Buisan ya detene na estacion de pulis despues del su aresto.
El pulis ya habla el corte nohay impone fiansa para el su temporary libertad.
Facebook Comments
