Dumarao, Capiz- Pilason ang isa ka persona maapos ini ang ginbuno alas 9 sang gab-e sa Sitio Tuwangtuwangan, Brgy Bungsuan, Dumarao, Capiz bangud gid lamang nga namalibad nga magtagay.
Ginkilala ang biktima kay Joebert Pedregosa y Cabrera, 38-anyos ang pang-edaron sang nasambitan nga barangay nga nag-angkon sang pilas sa natuo nga porsyon sang kamot.
Nagaguha sa imbestigasyon sang kapulisan nga nagabakal sang ilimnon ang amu nga biktima sa tindahan sang ini ang ginpalapitan sang hubog nga suspek nga si Eduardo Martino y Hapitan, 45-anyos sang Sitio Maripo, Brgy Bungsuan, Dumarao, Capiz.
Gin-imbitar ini nga magtagay apang namalibad ang biktima kabangdanan ini ang ginbuno sang suspek.
Gilayon naman nga naarestar sang mga katapo sang Capiz Provincial Mobile Force Company ang amu nga suspek kun sa diin narekober pa sa iya posisyon ang isa ka unit sang caliber .38 revolver nga may isa ka bala nga wala pa makalupok kag kutsilyo nga nagahaba sang napulo ka pulgadas.
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
