SILAY CITY, NEGROS OCCIDENTAL – Wala nakasalbar kag napatay gid ang isa ka lalaki nga nagamaneho sang motorsiklo matapos nabungguan sang isa ka depasahe nga salakyan kahapon sang hapon sa Brgy. Kapitan Ramon, Silay City.
Ginkilala ang biktima nga si Rogelio Bayon-on, 56 anyos, kasado kag pumuluyo sang Had. San Fernando, Brgy. Kapitan Ramon sang amo nga ciudad.
Suno sa asawa sang biktima nga may mg alas 5:30 kahapon sang hapon, durante nga nagadala sang iya motorsiklo ang biktima, nagbunggu-anay sila sang jeep nga may rota Silay-Patag.
Ginpahayag sang asawa sang biktima nga gindala pa si Rogelio sa Corazon Locsin Montelibano Memorial Regional Hospital apang ini siya ang gindeclare dead on arrival./dyHB BACOLOD
Facebook Comments
